Музыкалық шығармамен жұмыс істеудің түпкі мақсаты - көпшілік алдында өнер көрсету. Біздің мектеп жағдайындағы концерттік жұмыстар бұқаралық музыкалық - ағартушылық жұмыстардың бір түрі болып табылады. Жас музыкант - орындаушы айналасындағыларды музыкалық мәдениетке баули отырып эстетикалық тәрбиелеудің маңызды және игілікті міндетін жүзеге асырады.
Жас музыканттар жас кезінен бастап сахнада өнер көрсетудің тыңдаушының, педагогтың, өзінің алдындағы үлкен жауапкершілік екендігіне үйренеді. Сонымен қатар бұл музыканттың өміріндегі ең жақсы сәттер болып табылады, бұл үшін оқушылар белгілі бір музыкалық шығарманы көрерменге жеткізе білу қабілеттерін көрсету үшін екі тоқсан бойы ұзақ уақыт байыпты дайындалады.
Музыка мектебінде академиялық концерттер уақыты басталды. 2 - ші корпуста емтихан тапсыруды үрмелі аспаптардың балалары бастады, эстафетаны скрипкашылар мен қазақ халық аспаптары бөлімінің оқушылары қабылдады. Академиялық концерттермен қатар түлектер мен алдағы «Kostanay music games» байқауына қатысушыларды тыңдау жүріп жатыр. Балалар сахнаға толқып шығады. Ұстаздар шәкірттері үшін алаңдап, оларға шын жүректен сәттілік тілейді. Бөлім оқытушылары кіретін комиссия балалардың өнер көрсетуін бағалайды.