Бүгін, 2024 жылғы 11 желтоқсанда «Улыбка» және «Кроха» мектепалды топтарының тәрбиеленушілері Қостанай облысы әкімдігінің білім басқармасы Қостанай қаласының білім бөлімінің «№ 1 балалар музыка мектебіне» саяхат жасады. Музыка мектебінің педагогтары сыныптар бойынша экскурсия жасап, музыкалық аспаптармен таныстырды, содан кейін балаларға шағын концерт ұйымдастырды. Кейбір балалар алғаш рет домбыра, рояль, сырнай, флейта, виолончель, қобыз, шертер, скрипка, жетіген, асатаяқ сияқты музыкалық аспаптармен танысты. Балалар үшін бұл маңызды оқиға болды, олар мектеп оқушыларының орындауындағы бірнеше музыкалық шығармаларды қызығушылықпен тыңдады. Кейін балабақша тәрбиеленушілеріне бірлескен оркестрге қатысу мүмкіндігі берілді. Экскурсиядан оралған балалар осы оқиға туралы эмоциямен бөлісіп, өз әсерлерін айтты.